ສ້າງຕັ້ງສະມາຄົມຄົນຫູໜວກຢູ່ລາວ

  ອີງຕາມຂໍ້ຕົກລົງຊົ່ວຄາວຂອງທ່ານລັດຖະມົນຕີວ່າການ ກະຊວງພາຍໃນ ແລະ ເພື່ອເປັນການປະຕິບັດຕາມຂັ້ນຕອນການກໍ່ຕັ້ງສະມາຄົມ

ຄະນະຂົນຂວາຍ ສ້າງຕັ້ງສະມາຄົມຄົນຫູໜວກ ໄດ້ຈັດກອງປະຊຸມສ້າງຕັ້ງສະມາຄົມຄົນຫູໜວກ ຂຶ້ນວັນທີ 8 ພະຈິກ 2012 ນີ້ ຢູ່ທີ່

ໂຮງແຮມນະຄອນສັກ ນະຄອນຫຼວງວຽງຈັນ ໂດຍເປັນປະທານຂອງທ່ານ ບຸນເຕີມ ຈັນຕະລິວົງ ຫົວໜ້າຂົນຂວາຍສ້າງຕັ້ງສະມາຄົມຫູ

ໜວກ ໃຫ້ກຽດເຂົ້າຮ່ວມຂອງທ່ານ ເພັດສະໝອນ ເພັງສະຫວັນ ຮອງຫົວໜ້າກົມບຳນານເສຍອົງຄະ ແລະ ພິການ ມີຄະນະກຳມາທິ

ການ ເພື່ອຄົນພິການແຫ່ງຊາດ ປະທານສະມາຄົມຄົນພິການແຫ່ງຊາດລາວ ຕາງໜ້າກະຊວງພາຍໃນຕາງໜ້າຈາກອົງການເຄືອຂ່າຍ

ຄົນພິການ ອົງການຈັດຕັ້ງສາກົນ ຜູ້ປົກຄອງສະມາຊິກຄົນຫູໜວກ ໃນນະຄອນຫຼວງວຽງຈັນ ແລະ ຕ່າງແຂວງ ຫຼາຍກວ່າ 90 ຄົນ.

ຈຸດປະສົງຂອງກອງປະຊຸມຄັ້ງນີ້ ເພື່ອສະຫຼຸບຄືນວຽກງານການເຄື່ອນໄຫວການພັດທະນາຄົນຫູໜວກ ແລະ ຂະບວນການລິເລີ່ມກໍຕັ້ງສະ

ມາຄົມຄົນຫູໜວກ ໃນໄລຍະ 9 ປີຜ່ານມາ ແລະ ທິດທາງແຜນການ 5 ປີໃນຕໍ່ໜ້າ ຂອງສະມາຄົມຄົນຫູໜວກນີ້ ເພື່ອການສົ່ງເສີມ

ແລະ ພັດທະນາຄົນຫູໜວກລາວ ໃຫ້ມີການຄວາມກ້າວໜ້າ ໃຫ້ມີໂອກາດເທົ່າທຽມກັນໃນສັງຄົມ ເລີ່ມຈາກມີສະມາຊິກຄົນຫູໜວກ 25

ຄົນ ເຖິງປັດຈຸບັນມີ 200 ກວ່າຄົນ ແລະ ເຄືອຂ່າຍສະມາຊິກ ມີຢູ່ 2 ແຂວງ ຄື: ຫຼວງພະບາງມີ 25 ຄົນ ແລະ ສະຫວັນນະເຂດມີ

335 ຄົນ ກິດຈະກຳຫຼັກແມ່ນເຝິກອົບຮົມພາສາມື ແລະ ການສົ່ງເສີມຄວາມຮູ້ທາງດ້ານວິຊາຊີບພື້ນຖານ ຕາມຄວາມອາດສາມາດ

ແລະ ຄວາມເໝາະສົມຂອງແຕ່ລະຄົນ ພ້ອມນັ້ນ ຍັງໄດ້ມີການຄັດເລືອກເອົາຄະນະບໍລິຫານງານ ປະທານສະມາຄົມ ແລະ ຮອງປະ

ທານສະມາຄົມ ພ້ອມທັງຮັບຮອງເອົາກົດລະບຽບຂອງສະມາຄົມຄົນຫູໜວກນຳອີກ.

http://www.vientianemai.net/teen/khao/1/7940

Advertisements

ໄປຮຽນໄທ ຮຽນໄດ້ຫລືບໍ່ ແຕ່ໄດ້ເພື່ອນ

ຮຸູບຈາກ ພໍ່ບັກກືກ

ສູນຟື້ນຟູຄົນພິການ ໄດ້ຮັບການຊ່ວຍເຫຼືອ

ເຊັນ​ບົດ​ບັນ­ທຶກ​ຄວາມ​ເຂົ້າ­ໃຈ​ໂຄງ­ການ​ພັດ­ທະ­ນາ​ຄົບ​ວົງ​ຈອນ​ທາງ​ດ້ານ​ ການ​ບໍ­ລິ­ການ​ປະ­ກອບ​ເຄື່ອງ​ຄ້ຳ​ຊູ ຢູ່ ສປປ ລາວ ເປັນ​ໂຄງ​ຮ່ວມ​ມື​ດ້ານ​ອົງ­ຄະ​ທຽມ-ເຄື່ອງ​ຄ້ຳ​ຊູ (COPE) ໂດຍ​ໃຫ້​ທຶນ​ຂອງ USAID ມູນ​ຄ່າ 1,4 ລ້ານ​ໂດ​ລາ​ສະ­ຫະ­ລັດ ໃນ​ວັນ​ທີ 26 ກໍ­ລະ­ກົດ 2011 ທີ່​ສູນ​ຟື້ນ​ຟູ​ຄົນ​ພິ­ການ ໃຫ້​ກຽດ​ເຊັນ​ໂດຍ​ທ່ານ ດຣ.ທອງ​ຈັນ ເທບ​ສົມ​ພູ ອຳ­ນວຍ​ການ​ສູນ​ຟື້ນ​ຟູ​ຄົນ​ພິ­ການ ທັງ​ເປັນ​ປະ­ທານ​ອົງ­ການ​ຮ່ວມ​ມື​ທາງ​ດ້ານ​ການ​ຜະ­ລິດ​ອົງ­ຄະ​ທຽມ ແລະ ເຄື່ອງ​ຄ້ຳ​ຊູ (COPE) ແລະ ທ່ານ​ນາງ ແຄ​ເຮັນ ບື​ສະ​ຈວດ ເອກ​ອັກ​ຄະ​ລັດ​ຖະ​ທູດ​ສະ­ຫະ­ລັດ​ອາ­ເມ­ລິ­ກາ ປະ­ຈຳ​ລາວ ໂດຍ​ຊ້ອງ​ໜ້າ​ພະ­ນັກ­ງານ​ທັງ​ສອງ​ຝ່າຍ​ເຂົ້າ​ຮ່ວມ​ເປັນ​ສັກ­ຂີ​ພິ­ຍານ.

 

ເງິນ​ຈຳ­ນວນ​ດັ່ງ­ກ່າວ​ຈະ​ໄດ້​ນຳ​ໃຊ້​ເຂົ້າ​ໃນ​ການ​ພັດ­ທະ­ນາ​ວຽກ​ງານ​ຂອງ​ ສູນ ເປັນ­ຕົ້ນ​ແມ່ນ​ການ​ເຮັດ​ຂາ​ທຽມ​ທີ່​ເໝາະ​ສົມ ການ​ປັບ­ປຸງ​ດ້ານ​ການ​ເຝິກ­ອົບ­ຮົມ​ກ່ຽວ​ກັບ​ວຽກ​ງານ​ອົງ­ຄະ​ທຽມ ແລະ ອຸ­ປະ­ກອນ​ການ​ຈັດ­ການ​ເຝິກ­ອົບ­ຮົມ ການ​ສ້າງ​ຂີດ​ຄວາມ​ສາ­ມາດ​ໃນ​ການ​ຈັດ​ກອງ​ປະ­ຊຸມ​ກ່ຽວ​ກັບ​ວຽກ​ງານ​ການ​ແພດ​ ດ້ານ​ກະ­ດູກ ເພື່ອ​ເພີ່ມ​ການ​ຜະ­ລິດ​ຂາ​ທຽມ ທັງ​ນີ້​ກໍ​ເພື່ອ​ເປັນ​ການ​ສືບ­ຕໍ່​ຊ່ວຍ­ເຫຼືອ​ຜູ້​ພິ­ການ​ທີ່​ໄດ້​ຮັບ​ຜົນ​ ກະ­ທົບ​ຈາກ​ລະ­ເບີດ​ໃນ​ປາງ​ສົງ­ຄາມ ແລະ ຜົນ​ຮ້າຍ​ຢ້ອນ​ຫຼັງ​ຂອງ​ສົງ­ຄາມ ເປັນ­ຕົ້ນ​ແມ່ນ​ລະ­ເບີດ​ຝັງ​ດິນ ແລະ ຜູ້​ທີ່​ໄດ້​ຮັບ​ຜົນ​ກະ­ທົບ​ທັງ​ທາງ​ກົງ ແລະ ທາງ​ອ້ອມ ທີ່​ເປັນ​ເຫດ​ພາ­ໃຫ້​ພິ­ການ.

http://vientianemai.net/teen/khao/1/3874

 

ວັນເດັກທີ່ສວນສັດລາວ

ຂ້ອຍບໍ່ຮູ້ຄືກັນວ່າວັນເດັກປີນີ້ ຈະພເດັກນ້ອຍໄປທ່ຽວໃສ. ຍອມຮັບວ່າ ບໍ່ໄດ້ວາງແຜນຫຍັງໄວ້. ສຳລັບເດັກນ້ອຍແລ້ວ ວັນເດັກ ມີພຽງປີລະເທື່ອ, ສະນັ້ນ ຂ້ອຍຕ້ອງພາພວກເຂົາເຮັດກິດຈະກຳຫຍັງຈັກຢ່າງ ແຕ່ຈະເຮັດຫຍັງດີ ໃນສະຫມອງບໍ່ມີຂໍ້ມູນຫຍັງ ທັງໆທີ່ຫນ້າຈະມີການປະຊາສຳພັນ ວ່າມີການຈັດວັນເດັກຢູ່ຫລາຍບ່ອນ ສາມາດນຳເດັກໄປຮ່ວມໂດຍບໍ່ເສຍເງິນ. ການປະຊາສຳພັນເຫລົ້ານັ້ນ ມາບໍ່ຮອດຈັກທາງ ບໍ່ວ່າຫນັງສືພິມ ວິທະຍຸ ຫລື ໂທລະທັດ ສົງໄສປິດກັ້ນໂຕເອງຈາກສື່. ສິ່ງທີ່ແວ໊ບເຂົ້າມາໃນສະຫມອງ ແມ່ນພາເດັກໄປສວນສັດ ເທາະ. ວ່າແລ້ວກໍ່ຊວນທ້າວໂຕນີ ໄປເບິ່ງຊ້າງ ລາວກຳລັງຫລິ້ນເກມຢູ່ໃນຄອມ ກໍ່ມອດຄອມປຸບປັບ ກຽມໂຕຢ່າງໄວ.

ທັງສາມຄົນ ຜູ້ໃຫຍ່1 ເດັກນ້ອຍ2 ຍ່າງອອກຈາກເຮືອນ ໄປຂຶ້ນລົດເມຢູ່ແຄມທາງ ລົດຈຳໂບ້ສວນທາງມາ ເອີ້ນໃສ່ວ່າໄປໃສ ຕົກລົງກັບຈຳໂບ້ ໃຫ້ໄປສົ່ງທີ່ຕະຫລາດເຊົ້າ ໃນລາຄາ 3 ຄົນ 10ພັນກີບ. ທີ່ສະຖານີລົດເມ ຕະຫລາດຂົວດິນ ລົດເມໄປບ້ານເກິນບໍ່ມີ ຖາມພະນັກງານເຂົາບອກວ່າ ໃຫ້ໄປຖ້າຢູ່ນອກທາງເດີ້ (ຫມາຍເຖິງ ຖະຫນົນຫນອງບອນ) ຈະມີລົດຕູ້ ຜ່ານມາປະຈຳ. ແລ້ວລົດເມໄປບ້ານເກິນ ຢູ່ໃສ ເຂົາວ່າ ຢູ່ຄິວລົດສາຍໃຕ້ ລົດເມ 20ພັນກີບຕໍ່ປີ ສ່ວນລົດຕູ້ 25 ພັນ. ບໍ່ໄດ້ເດີນທາງດ້ວຍລົດເມມາດົນ ລາຄາມັນຂຶ້ນ ທົບເຄິ່ງເລີຍເນາະ.

ຄົນຫລາຍແທ້ໆ

ມີກິດຈະກຳຫລາກຫລາຍ

ແຕ່ກິດຈະກຳທີ່ເດັກນ້ອຍ ມັກເປັນພິເສດ ຄືການຂີ່ຊ້າງ

ເບິງຮູບທັງຫມົດໄດ້ທີ່ Album

ເປີດໂຄງການຄົ້ນຄ້ວາຄຳສັບພາສາມືລາວ

ໜ່ວຍງານພິການຫູໜວກ ສະມາຄົມຄົນພິການ ຈັດພິທີເປີດໂຄງການຄົ້ນຄ້ວາຄຳສັບພາສາມືລາວ ໃນລະຫວ່າງວັນທີ 18 ມັງກອນ-29 ເມສາ 2011 ໂດຍເປັນປະທານ ຂອງທ່ານ ບຸນວຽນ ຫຼວງຍອດ ປະທານສະມາຄົມຄົນພິການລາວ ເຊິ່ງມີຕາງໜ້າຜູ້ໃຫ້ທຶນ ແລະ ພາກສ່ວນກ່ຽວຂ້ອງເຂົ້າຮ່ວມ.

ຈຸດປະສົງຂອງການເປີດໂຄງການດັ່ງກ່າວເພື່ອດຳເນີນໂຄງການຄົ້ນຄ້ວາສຳລັບພາສາມືລາວ ເປັນທາງການໃຫ້ບັນດາອົງການຈັດຕັ້ງກ່ຽວຂ້ອງ ທັງພາກລັດ ແລະ ເອກະຊົນ ຢູ່ພາຍໃນ ແລະ ຕ່າງປະເທດໄດ້ຮັບຮູ້ ແລະ ສະແດງໃຫ້ເຫັນເຖິງການໄດ້ຮັບສິດທິທີ່ສັງຄົມໄດ້ມອບໃຫ້ຄົນພິການຫູໜວກ ໄດ້ມີພາສາມື ເພື່ອສື່ສານໃຫ້ເຂົ້າໃຈເຊິ່ງກັນ ແລະ ກັນຫຼາຍຂຶ້ນ.

ໂຄງການຄົ້ນຄ້ວາພາສາມື ເພື່ອສ້າງປຶ້ມວັດຈະນານຸກົມ ມີໄລຍະ 1 ປີຄື: ເດືອນມັງກອນ-ທັນວາ 2011 ສຳລັບການຄົ້ນຄ້ວາພາສາມືຕົວຈິງຈະປະຕິບັດແຕ່ວັນທີ 18 ມັງ ກອນ-29 ເມສາ 2011 ດ້ວຍທຶນທັງໝົດ 23.600 ໂດລາ ແຕ່ປັດຈຸບັນມີທຶນພຽງແຕ່ 18.544 ໂດລາ ເຊິ່ງແມ່ນການສະໜັບສະໜູນຈາກສະຖານທູດອົດສະຕຣາລີ/ໂຄງ ການຊ່ວຍເຫຼືອໂດຍກົງ SHIA ຈຳນວນ 12.318 ໂດລາ ແລະ ການບໍລິຈາກຜົນງານວິຈິດສິນ (ຮູບແຕ້ມ) ຂອງນັກວິຈິດສິນ ລາວ-ໄທ ມູນຄ່າ 11.382 ໂດລາ ປັດຈຸບັນ ການຈຳໜ່າຍຜົນງານດັ່ງກ່າວໄດ້ພຽງ 6.226 ໂດລາ ແລະ ຍັງຈະສືບຕໍ່ຂາຍໃຫ້ໝົດ ເຊິ່ງການປະກອບສ່ວນຂອງນັກວິຈິດສິນ ລາວ-ໄທ ທັງໝົດ 11.382 ໂດລາ ແລະ ຈັດຕັ້ງປະຕິບັດໂຄງການນີ້ໃຫ້ສຳເລັດຕາມຄາດໝາຍ.

ເດັກນ້ອຍ​ນອນ​​ທ່ຽງ ​ມີ​ຜົນ​ດີ​ຕໍ່​ການ​ຜ່ອນຄາຍ​ອາລົມກັງວົນ

ຜ່ານ​ການຄົ້ນ​ຄວ້າຄັ້ງ​ຫຼ້າ​ສຸດນັກ​ຄົ້ນຄວ້າ​ອາ​ເມ​ລິ​ກາ​ສັງ​ເກດ​ເຫັນ​ວ່າ, ຝຶກ ​ເດັກນ້ອຍ​ທີ່​ອາຍຸ​ກ່ອນ​ໄວ​ຮຽນໃຫ້ມີ​ຄວາມ​ຊິນ​ເຄີຍທີ່​ດີ​ໃນ​ການ​ນອນ​​ຕອນທ່ຽງ, ​ເພາະວ່າ​ມັນມີ​ຜົນ​ດີຕໍ່​ການ​ຜ່ອນຄາຍ​ຄວາມ​ກັງວົນ​ແລະ​ອຸກໃຈ​ຂອງ​ເດັກນ້ອຍ.
​ເວົ້າ​​ທົ່ວ​ໄປ​ແລ້ວ, ການ​ນອນ​ທ່ຽງ​ແມ່ນ​ການ​ພັກຜ່ອນ​ເວລາ​ສັ້ນຫຼັງ​ກິນ​ເຂົ້າ​ທ່ຽງ, ຕາມທຳ​ມະ​ດາ​ແລ້ວ​ແມ່ນ​ໃຊ້​ເວລານອນ​ປະມານ​30ຫາ​45ນາ​ທີ. ພໍ່​ແມ່​ບາງ​ຄົນ​ບໍ່​ອະນຸຍາດ​ໃຫ້​ເດັກນ້ອຍ​ຂອງ​ຕົນ​ນອນ​ຕອນ​ທ່ຽງ​ເພື່ອ​ໃຫ້​ເຂົາ​ເຈົ້ານອນ​ໃນ​ຕອນ​ກາງຄືນ​ຫຼັບ​ດີ.ການ​ຄົ້ນຄວ້າ​ດັ່ງກ່າວ​ຂອງນັກ​ຄົ້ນຄວ້າ​ອາ​ເມ​ລິ​ກາໄດ້​ສະ​ແດງ​ໃຫ້​ເຫັນ​ວ່າ, ​ເດັກນ້ອຍ​ທີ່​ບໍ່​ໄດ້​ນອນ​ຕອນທ່ຽງ​ຈະ​ມັກ​ຫງຸດຫງິດ,​ແລະ​ມັກ​ມີ​ຄວາມ​ກັງວົນ​ແລະ​ອຸກ​ໃຈ.
ຜູ້​ຮັບ​ຜິດ​ຊອບ​ການຄົ້ນ​ຄວ້າ​ເທື່ອ​ນີ້​​ເວົ້າ​ວ່າ, ຜົນ​ການຄົ້ນ​ຄວ້າ​ຢືນຢັນ​ວ່າ, ຖ້າ​ຢາກ​ໃຫ້​ເດັກນ້ອຍ​ມີ​ອາລົມ​ດີ​ຕະຫຼອດ​ວັນ​,ການ​ນອນຕອນ​ທ່ຽງ​ສຳຄັນ​ທີ່​ສຸດ, ສະນັ້ນ, ພໍ່​ແມ່​ຂອງ​ເດັກນ້ອຍ​ຄວນ​ຈັດ​ວາງ​ເວລາ​ໃຫ້​ເດັກນ້ອຍ​ນອນ​ຢ່າງ​ເໝາະ​ສົມ

http://laos.cri.cn/

ເຂົ້າຈີ່ປາເຕ້

ຕື່ນຂຶ້ນມາຕອນເຊົ້າ ສະມາຊິກຄອບຄົວນີ້ ກໍຊ່ວຍກັນທຳມາຫາກິນ.
ພໍ່ມັນ ເຮັດນ້າທີ່ ແຫກກ້ອນເຂົ້າຈີ່ ແລະ ຫຸ້ມຫໍ
ລູກເຮັດຫນ້າທີ່ຊອຍເສັ້ນຫມາກຫຸ່ງ
ສ່ວນຫນ້າທີ່ອື່ນໆ ແມ່ນແມ່ມັນຮັບຜິດຊອບ
ຕອນນີ້ ກຳລັງການຜະລິດຢູ່ທີ່ 25 ກ້ອນ ຕໍ່ມື້

ເບິ່ງຕື່ມ ທີ່ facebook