ເວົ້າໄດ້ ແຕ່ບໍ່ເວົ້າ ແລ້ວຈະຮູ້ເລື້ອງແນວໃດ

Posted: January 10, 2008 in Health and wellness
ທ້າວນິກກິ ອາຍຸ 4 ປີແລ້ວ. ລາວເປັນຄົນບໍ່ມັກປາກ ດັ່ງນັ້ນ ເຖິງວ່າຮອດອາຍຸທີ່ເດັກທັງຫລາຍຮຽນເວົ້າ ລາວກໍຍັງບໍເວົ້າ, ມີຫລານສາວຄົນຫນຶ່ງ ອາຍຸສາມປີ ສາມາດເວົ້າໄດ້ ແລະ ຍັງສາມາດຮ້ອງເພງຊາດໄດ້ອີກ. ແຕ່ວ່ານິກກີ ບໍມັກເວົ້າ, ພໍແມ່ມັກບັງຄັບໃຫ້ລ່ວເວົ້າແບບທາງອ້ອມ ເັນຕົ້ນແມ່ນເວລານິກກີ ຕ້ອງການນົມ ແມ່ຈະໃຫ້ເວົ້າ ພໍ ແມ່ ອ້າຍ ຫລື ບອກວ່າ ແມ່ເອີ້ຍ ນິກກິ ຢາກໄດ້ນົມ, ໃຫ້ເວົ້າສຸດກ່ອນຈຶ່ງເອົານົມໃຫ້. ນິກກີຫລິ້ນແຕ່ກັບອ້າຍ ທີ່ເປັນກືກ ດັ່ງນັ້ນການສື່ສານລະຫວ່າງພວກເຂົາ ຈຶ່ງບໍ່ແມ່ນພາສາເວົ້າ. ນິກກີ ເບິ່ງອ້າຍເປັນແບບຢ່າງໃນຫລາຍເລື້ອງ ນັບທັງ ການສື່ສານ ໂດຍບໍ່ໃຊ້ພາສາເວົ້າ. ເມື່ອນິກກີ ຕ້ອງການຫຍັງ ແທນທີ່ຈະເວົ້າ ລາວຈະໄຫ້ຂຶ້ນ ແລະ ບໍ່ຍອມບອກວ່າຢາກໄດ້ຫຍັງ, ຜູ້ເປັນແມ່ອາໄສຄວາມໃກ້ຊິດ ຈຶ່ງສາມາດອ່ນໃຈນິກກີໄດ້ ວ່າຢາກໄດ້ນົມ ຢາກເບິ່ງກາຕູນ ແລະ ອື່ນໆ ເຊິ່ງນອກຈາກແມ່ແລ້ວ ບໍ່ມີໃຜສາມາດເຂົ້າໃຈຄວາມຕ້ອງການຂອງນິກກີໄດ້.
 
 
ຄືນຫນຶ່ງ, ນິກກີນອນຫລັບແລ້ວ ແຕ່ກໍ່ຮ້ອງໄຫ້ຂຶ້ນ ແລ້ວກໍຫລັບໄປ, ຄືນນັ້ນ ລາວໄຫ້ ຫລາຍເທື່ອ ໂດຍບໍ່ຮູ້ສາເຫດ, ບໍ່ຮູ້ວ່າຝັນຮ້າຍ ຫລື ເຈັບຫຍັງ. ຕື່ນເຊົ້າຂຶ້ນມາ ນິກກີ ກິນນົມເຂົ້າໄປ ແລ້ວຮາກອອກມາຫມົດ. ແມ່ຄິດວ່າ ນິກກີຕ້ອງເຈັບທ້ອງຫລືເຈັບຫຍັງບາງຢ່າງ ຈຶ່ງໄຫ້ໃນຕອນກາງຄືນ ພະຍາຍາມຖາມ ກໍ່ບໍໄດ້ຄຳຕອບ ເພາະນິກກີບໍ່ເວົ້າ. ພໍແມ່ຈຶ່ງໄດ້ພາໄປຫາຫມໍ, ທ່ານຫມໍກໍ່ຖາມອາການ ວ່າເປັນແນວໃດ ແລະ ຫລາຍຢ່າງ ເຊິ່ງບໍ່ມີໃຜຕອບໄດ້ ເພາະນິກກີບໍ່ບອກ ວ່າເຈັບຫຍັງ ເຈັບແບບໃດ ເຈັບຢູ່ໃສ
 

 
ທ່ານຫມໍ ໄດ້ກວດນັ້ນກວດນີ້ ງົມທາງໄປ ກ່ອນຈະບອກວ່າ ໃຫ້ນອນໂຮງຫມໍ ເພື່ອຕິດຕາມອາການ. ນິກກີ ເມື່ອຮາກອອກ ມີສີຫນ້າເຫລືອງຫລ່າ ມີອາການອ່ອນເພຍ ເພາະອຶດນອນ ຫມໍເລີຍໃຫ້ນ້ຳເກືອ. ການທີ່ຈະສາມາດກວດໄດ້ ກໍຕ້ອງປ້ຳກັນຂະຫນານໃຫຍ່ ແລ້ວ ສຽງຮ້ອງຢ່າງບໍ່ພໍໃຈຂອງເພິ່ນດັງຖ້ວມໂຮງຫມໍ ໂດຍສະເພາະເວລາໃຊ້ເຂັມແທງເພື່ອໃສ່ນ້ຳເກືອ
 
ລະຫວ່າງ ນອນໂຮງຫມໍ ນິກກີກໍ່ຮາກອີກ ແບບວ່າ ກິນຫຍັງເຂົ້າໄປແມ່ນຮາກອອກຫມົດ. ພໍ່ແມ່ທີ່ວາງແຜນໄປທ່ຽວປີໃຫມ່ ກໍ່ຕ້ອງມານອນເຝົ້າລູກຢູ່ໂຮງຫມໍ
 
ຫລັງຈາກນອນໂຮງຫມໍ ໄປໄດ້ໄລຍະຫນຶ່ງ ທ້າວນິກກີ ເລີ້ມແຂງແຮງຂຶ້ນ ຄວາມເປັນລິງກໍ່ອອກອາການ ລາວທັງດື້ແທ້ດື້ວ່າ ໂດຍສະເພາະຫລັງຈາກຫມໍຖອດສາຍນ້ຳເກືອອອກ ລາວສາມາດແລ່ນໄປມາໄດ້ສະດວກ.
ນອນໂຮງຫມໍໄດ້ສອງຄືນ ອາການຫລ່າເຫລືອງຍັງບໍ່ດີຂຶ້ນເທົ່າທີ່ຄວນ ເພາະເປັນອາການປົກກະຕິຂອງເພິ່ນ ເຫລືອງແບບນີ້ມາດົນແລ້ວ ແຕ່ຫມໍກໍ່ຕັດສິນໃຈໃຫ້ກັບບ້ານ ມາທັນສະຫລອງປີໃຫມ່
 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s