ຜົວກິນເບຍ ເມຍຫຼິ້ນໄພ້

Posted: June 27, 2008 in marriage
  * ຜົວເມຍຮັກຮໍ່ໄດ້ ດຸດດັ່ງສາຍທາລາ
  ປາອາໄສວັງເລິກ ແມ່ນະທີທານນ້ຳ
  ຄຳທີ່ເຄີຍສັນຍາໄວ້ ຕອນບ່າວ-ສາວບໍ່ທັນແຕ່ງ
  ວ່າຊິແປງກໍ່ສ້າງ ເມືອງບ້ານຊ່ອຍກັນ

  * ແຕ່ວັນນີ້ມັນຫາກຮ້າງ ສັນຍາຮ່າງວາງປະ
  ພາລະໃນຄອບຄົວ ບໍ່ສົນນຳກ່ຽວຂ້ອງ
  ຄວາມປອງດອງແຕກມ້າງ ເປັນສາຍທານຖືກແບ່ງ
  ຜົວໄປແລງເມຍມາເຊົ້າ ຄຳເວົ້າບໍ່ຄ່ອງກັນ

  * ເມຍຕິດການພະນັນຫລິ້ນ ວຽກຢູ່ເຮືອນບໍ່ຂໍກ່ຽວ
  ເກີດເປັນມື້ມີແຕ່ທ່ຽວ ສູ່ວັນພະນັນຫລິ້ນ
  ເຮໂຣອິນເບ້ຍໄພ້ ໄປເລີຍບໍ່ເຕື້ອງຕໍ່
  ເລາະລຽບໄປເຫນືອ-ໃຕ້ ເປັນໄບ້ຢູ່ບໍ່ເຊົາ

  * ຜົວຜູ້ເປັນກົກເຄົ້າ ເນົາຢູ່ເຄຫາ
  ມີແຕ່ເມົາເຮຮາ ດື່ມສຸລາ-ເບຍ-ເຫລົ້າ
  ເມົາສຸລາຢາບ້າ ກັນຊາບອງເບື່ອ
  ບໍ່ຮູ້ເມື່ອບາບໄບ້ ຊິນຳໃຫ້ຕອບສະຫນອງ

  * ຄອງເຮືອນຊານແຕກມ້າງ ຮາມຫ່າງຄົນລະທາງ
  ນີ້ລະໂທດສຸລາ ພາກຜົວ-ເມຍຫ່າງເວັ້ນ
  ເປັນໂທດມະຫັນແທ້ ລູກເກີດມາບໍ່ມີແມ່
  ເມຍພັດຈາກຜົວແກ້ວ ສາມີເຖົ້າພັດຫ່າງເຫີນ

  * ເກີນວ່າບຸນ-ບາບມີແທ້ ຢ່າປະຫມາດຄວນຄິດ
  ຕິດສຸລາພາເພ ເຮໂຣອິນເປັນໄບ້
  ໃຫ້ຄວນຄິດຄະນິງໄວ້ ໃນໃຈໃຫ້ແຈ້ງແຈບ
  ບາບ-ບຸນແຫນບຕໍ່ກົ້ນ ຕາມສົ້ນຜູ້ກະທຳ ແທ້ໃດ.  

  ຈາກ ນສພ ວຽງຈັນໃຫມ່

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s