ໄດ້ເວລາ ເຂົ້າໂຮງຮຽນແລ້ວ

Posted: September 1, 2008 in children care

ມື້ນີ້ ກໍ່ເປັນວັນທີ 1 ກັນຍາ ເຊິ່ງແຕ່ລະປີ ຊາວລາວຖືວ່າ ເປັນມື້ເປີດພາກຮຽນໃຫມ່ (ປະເທດໄທ ເພິ່ນເປີດເທີມກັນ ບໍ່ຄືກັບລາວ). ມື້ນີ້ ໄດ້ພາເດັກໆ ໄປເຂົ້າຮຽນ ທ້າວນິກກີ 5 ປີ ໄປຮຽນອະນຸບານ ທີ່ບຶງຂະຫຍອງ, ເພິ່ນກໍ່ບໍ່ຢາກ ເຂົ້າຮຽນປານໃດ ສະແດງອາການ ບໍ່ຍອມລົງລົດ ແຕ່ກໍ່ຜ່ານພົ້ນໄປໄດ້. ສ່ວນ ທ້າວໂຕນີ ປີນີ້ ອາຍຸ 10 ປີ ຖືກໄລ່ອອກໂຮງຮຽນ ມາແລ້ວ 2 ຄັ້ງ ພັກຮຽນມາແຕ່ອາຍຸ 7 ປີ. ວານນີ້ ພາໄປເລືອກຊື້ສົ້ງໃຫມ່ ຕື່ນແຕ່ມາແຕ່ເຊົ້າ ກໍ່ແຕ່ງຕົວໃຫ້ ນຸ່ງຊຸດນັກຮຽນໃຫມ່ ນັ່ງກິນເຂົ້າເອງ ແລະ ພໍ່ແມ່ ກໍ່ພາໄປໂຮງຮຽນ. ໄປຮອດໂຮງຮຽນ ກໍ່ຍ່າງເຂົ້າໄປໂດຍດີ ພົບກັບ ຄູເກົ່າ ເພື່ອນເກົ່າ ເຂົາພາໄປຫ້ອງ ກໍ່ນັ່ງຢູ່ຢ່າງສະຫງົບ, ສ່ວນພໍ່ແມ່ ລໍຖ້າຄູປະຊຸມແລ້ວ ແລະ ກໍ່ສືບຕໍ່ພົບປະພໍ່ແມ່ນນັກຮຽນ. ມີນັກຮຽນ ທີ່ຕ້ອງນອນຫໍພັກ ແຕ່ສະຖານທີ່ມັນຄັບແຄບ. ພົບປະກັບອຳນວຍການແລ້ວ ເພິ່ນເວົາກ່ຽວກັບ ທ້າວໂຕນີ ວ່າ ຖ້າມັນນັ່ງເຮັດກິດຈະກຳນຳຫມູ່ ກໍ່ບໍ່ມີບັນຫາ ຮັບໄດ້, ຖ້າມັນໄປຍ່າງເລາະ ໃຫ້ຫມູ່ໄດ້ຊອກ ຄືທີ່ຜ່ານມາ ກໍ່ບໍ່ຢາກຮັບ. ຫລັງຈາກ ຈ່າຍຄ່າຮຽນແລ້ວ ກໍ່ອອກມາຈອບເບິ່ງ ວ່າທ້າວໂຕນີ ເຮັດຫຍັງນຳຫມູ່ແດ່ ເຫັນວ່າເພິ່ນນັ່ງຄົນດຽວ ເອົາດິນນ້ຳມັນອອກມາປັ້ນ. ນັກຮຽນຫູຫນວກ ມີດີຄືກັນ ເພາະພວກເຂົາໃຊ້ຫ້ອງຮຽນດຽວ ສອນກັນ 2 ຫ້ອງ ແບບວ່າ ປ1 ກັບປກຽມ ຫ້ອງດຽວກັນ ຄູ2ຄົນ ຮຽນນຳກັນໄດ້ໂດຍບໍ່ລົບກວນກັນ. 

ອາທິດທຳອິດ ຈະບໍ່ມີອາຫານທ່ຽງໃຫ້ ນັກຮຽນຕ້ອງ ຖືມາກິນເອງ. ມື້ນີ້ ໂຕນີຮຽນເຄິ່ງມື້. ມື້ຕໍ່ໆໄປຍັງມີລຸ້ນ ວ່າເພິ່ນຈະຮຽນຕະຫລອດຫລັກສູດ ຈົນຈົບຫລືບໍ່, ທີ່ຜ່ານມາໄດ້ພາເພິ່ນໄປພົບຫມໍຈິດຕະແພດ ທີ່ໂຮງຫມໍມະໂຫສົດ ແລະ ໄດ້ຢາມາກິນ. ຫລັງຈາກກິນຢາ ກໍ່ຮູ້ສຶກວ່າ ເພິ່ນປະພຶດຕົວດີຂຶ້ນ, ແຕ່ເມື່ອຫມົດຢາ ກໍ່ກັບມາເປັນຄົນ ທີ່ເລາະຢູ່ຕາມຖະຫນົນຫົນທາງ ຄືເກົ່າ. ຫລັງຈາກໄດ້ຢາຊຸດທີ 2 ຫມໍບອກວ່າ ຕ້ອງໄດ້ກິນໄປເປັນປີ ດຽວນີ້ກໍ່ຍັງກິນຢູ່. ນອກຈາກປິ່ນປົວດ້ວຍຢາ ທ້າວໂຕນີ ຍັງໄດ້ຮັບການຝຶກແອບການຂຽນຫນັງສື ຈາກແມ່ ທີ່ຮຽນຄູຈົບມາ ແລະ ກໍ່ມີຄວາມກ້າວຫນ້າດີຢູ່

ແນວໃດກໍ່ຕາມ ຖ້າໂຕນີສາມາດ ຮຽນກັບຫມູ່ໄດ້ ໂດຍທີ່ພະຍາດສະມາທິສັ້ນ ບໍ່ມາເປັນອຸປະສັກ ກໍ່ມີຫວັງວ່າຈະຈົບຫລັກສູດ ສາມາດອ່ານຂຽນ ແລະ ສື່ສານກັບຫມູ່ດ້ວຍພາສາມື 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s