ເດັກນ້ອຍ​ກິນ​ປາ ຊ່ວຍຫລຸດ​ຄວາມສ່ຽງ​​ເກີດ​ຕຸ່ມມ​ຸ່ນ​ມ່ານ

Posted: October 1, 2008 in children care
(ຂປລ): ຕາມ​ຂ່າວ​ຕ່າງປະ​ເທດ, ຄະນະ​ວິ​ໄຈໃນປະ​ເທດ​ສວິດ ​​ໃຫ້​ການແນະນຳວ່າໃຫ້​ເດັກນ້ອຍ​ອາຍຸ 9 ເດືອນ ທຳ​ອິດ ​ເລີ່​ມ​ໃຫ້​ກິນ​ອາຫານ ​ໄດ້​ກິນ​ປາມື້ລະ​ຕ່ອນ ອາດ​ຊ່ວຍ​ຫລຸດ​ຄວາມ​ສ່ຽງ​ຈະ​ເກີດ​ອາການ​ເກີດ​ພູມ​ແພ້ຫລື​ເປັນ​ຕຸ່ມ​ມຸ່ນ​ມ່ານ​ຄັນ​ຕາມ​ຕົນ​ໂຕ​ລົງ​​ໄດ້ 1/4 ເມື່ອ​ທຽບ​ກັບ​ເດັກນ້ອຍທີ່​ບໍ່​ໄດ້​ກິນ​ປາ.
ຄະນະ​ນັກວິ​ໄຈ ​ທີ່​ມະຫາວິທະຍາ​ໄລ ໂກ​ເທ​ນ​ເບີກ ​​ເຜີຍ​ແຜ່​ໃນ​ວາລະສານ​ການ​ແພດ​ອັງກິດ​ວ່າ ຜົນ​ການ​ສຶກສາ​ຄົ້ນຄວ້າ​ພົບ​ວ່າ ການ​ທີ່​ໃຫ້​ເດັກນ້ອຍ​ກິນ​ປາຕັ້ງ​ແຕ່​ຍັງ​ນ້ອຍ​ເປັນ​ເລື່ອງ​ດີ, ສິ່ງ​ສຳຄັນ​ຄວນ​ເອົາ​ໃຈ​ໃສ່​ປະ​ເພດ​ຂອງ​ປາ​ທີ່​ເອົາ​ໃຫ້​ກິນ ​ເລີ່​ມ​ແຕ່​ໄລຍະ​ເວລາ​ໃຫ້​ກິນ​ອາຫານ​ປະ​ເພດ​ປາ​ຫລາຍ​ກວ່າ. ອາການ​​​ແພ້​ ​​ຕຸ່ມ​ຄັນ​ເປັນ​ພະຍາດ​ຊຳ​ເຮື້ອ ​ເກີດ​ຂຶ້ນກັບ​ເດັກນ້ອຍ 10-15% ທີ່​ມີ​ທ່າ​ອ່ຽງ​ເປັນ​ພູມ​ແພ້ ເຮັດ​ໃຫ້​ຄັນ​ຕາມ​ຜິວຫນັງ​, ​ເປັນສີແດງ, ​ແຫ້ງ ​ແລະ ​ແຕກແຫງ.
ຜົນ​ການ​ສຶກສານີ້ ເປັນ​ສ່ວນ​ຫນຶ່ງ​ຂອງ​ການ​ຕິດຕາມ​ສຶກສາ​ ສຸຂະພາບ ​ໄລຍະ​ຍາວ​ຂອງ​ເດັກ ນ້ອຍ​ເກືອບ 17.000 ຄົນ. ພວກ​ເຂົາ​ພົບ​ວ່າ ຢີນ ຄື​ປັດ​ໃຈ​ສຳຄັນ​ທີ່​ເຮັດ​ໃຫ້​ເດັກນ້ອຍ​ເກີດ​ແພ້, ຕຸ່ມ​ຄັນ, ສ່ວນ​ການ​ລ້ຽງ​ລູກ​ດ້ວຍ​ນົມ​ແມ່ ແລະ ການ​ບໍ່ລ້ຽງ​ສັດປະ​ເພດ​ຂົນ​ຍາວ​ຢູ່​ໃນ​ເຮືອນ ບໍ່​ມີ​ຜົນ​ຂ້າງຄຽງ​ໃດໆ. ຄະນະ​ນັກວິ​ໄຈ ຈະ​ສຶກສາ​ຕໍ່​ໄປ​ວ່າ ​ດ້ວຍເຫດ​ໃດ ປາ​ຈິ່ງ​ຊ່ວຍ​ຫລຸດ​ໂອກາດ​ເກີດພູມ​ແພ້ ເປັນຕຸ່ມ​ຄັນ ​ເພາະ​ພົບວ່າ ປາ​ທີ່​ອຸດົມສົມບູນ​ດ້ວຍ​ກົດ​ໄຂມັນ ​ໂອ​ເມ​ກ້າ 3 ບໍ່​ຊ່ວຍ​ຫລຸດ​ຄວາມ​ສ່ຽງ​ດັ່ງກ່າວ ຫລາຍ​ກວ່າ​ປາປະ​ເພດ​ອື່ນໆ. ມີການສັນນິຖານ​ວ່າ ປາ​ມີ​ສ່ວນ​ສຳຄັນ​ຕໍ່​ການ​ພັດທະນາ​ລະບົບ​ພູມ​ຕ້ານທານ​ຂອງ​ເດັກນ້ອຍ./.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s