ປີໃຫມ່ ປ່ຽນໃຈໃຫມ່ ເອົາໃຈໃສ່ຄອບຄົວ

Posted: April 23, 2009 in marriage
ຕອນນີ້ ມີຄວາມຮັບຜິດຊອບນັບມື້ນັບຫລາຍ. ທັງການສຶກສາອົບຮົມເດັກ ທີ່ມີບັນຫາ ທັງສອງຄົນ. ຜູ້ກົກ ທີ່ຫູຫນວກປາກກືກ ກຳລັງໄດ້ຮັບການແກ້ໄຊດີຂຶ້ນ ເປັນກ້າວໆ ແຕ່ ຜູ້ຫລ້າ ທຳທ່າວ່າຈະເປັນບັນຫາ ທີ່ຍັງແກ້ບໍ່ຕົກ. ທ້າວນິກກີ ບໍ່ໄດ້ຫູຫນວກ ບໍ່ໄດ້ປາກກືກ ຄືກັບອ້າຍລາວ. ແຕ່ລາວບໍ່ມັກປາກ ແລະ ບໍ່ຍອມປາກ. ແຕ່ລະແລງ ໄດ້ເອົາຮູບໄປໃຫ້ລາວຊີ້ ແລະ ລາວກໍ່ບອກຊື່ຂອງຮູບໄດ້ຖືກຫມົດ ພຽງແຕ່ອອກສຽງບໍ່ຖືກໃນບາງຄຳ ເຊັ່ນ ນົກ ອອກສຽງເປັນ ໂນະ, ແມວ ອອກສຽງເປັນ ໄມ… ນັ້ນສະແດງວ່າ ລາວເວົ້າໄດ້. ແຕ່ ເວລາໄປໂຮງຮຽນ ລາວຈະບໍ່ເວົ້ານຳໃຜເລີຍ ແມ້ແຕ່ກັບຄູ. ຈະເຮັດແນວໃດກັບນິກກີ ຍັງເປັນບັນຫາ ທີ່ແກ້ບໍ່ຕົກ. ອາດຈະ ໃຫ້ລາວແຍກ ອອກຈາກອ້າຍຂອງລາວ ໃຫ້ໄປຢູ່ກັບພີ່ນ້ອງ??? ຫລື ພາໄປພົບແພດ ຢູ່ຕ່າງປະເທດ ເພາະວ່າ ຢູ່ລາວ ກໍ່ໄປມາແລ້ວ.
ອີກ ອັນຫນຶ່ງ ຄ່າໃຊ້ຈ່າຍຕ່າງໆ ກໍ່ສູງຂຶ້ນ ແຕ່ລາຍໄດ້ຂອງຄອບຄົວຍັງມີຫນ້ອຍ ເພາະມີແຕ່ຫົວຫນ້າຄອບຄົວ ເປັນຜູ້ຫາ ສ່ວນແມ່ເດັກນ້ອຍ ແມ່ນຢຸດການຫາລ້ຽງຊີບ ຫັນມາເອົາໃຈໃສ່ຕໍ່ເດັກນ້ອຍພິເສດ ທັງສອງຄົນ. ດັ່ງນັ້ນ ຫົວຫນ້າຄອບຄົວ ຕ້ອງໄດ້ຂະຫຍັນກວ່າເກົ່າ.
ທຸກມື້ນີ້, ມີເວລາໃຫ້ກັບຄອບຄົວຫນ້ອຍຫລາຍ. ເວລາຢູ່ກັບລູກກົກ ແມ່ນມີມື້ລະ1 ຊົ່ວໂມງ ເພາະລາວມັກຕິດຕາມພໍ່ໄປສອນເພີ້ມ ໄປນັ່ງເຝົ້າພໍ່. ສ່ວນລູກຫລ້າ ແມ່ນເຫັນແຕ່ຫນ້າກັນ ບໍ່ທັນມີໂອກາດໃຊ້ເວລາຮ່ວມກັນ ພໍເທົ່າໃດ ສູງສຸດ ກໍ່ນັ່ງຫນ້າຄອມນຳກັນ ໃຫ້ເພິ່ນເຊຍພໍ່ຫລິ້ນເກມ(ໃຫ້ພໍ່ຫລິ້ນໃຫ້ເບິ່ງກ່ອນ) ແລະ ນັ່ງຫລິ້ນເກມເອງ ເວລາພໍ່ບໍ່ຢູ່. ສ່ວນແມ່ເດັກນ້ອຍ ແມ່ນຫລັບກ່ອນພໍມັນຕະຫລອດ ເພາະພໍ່ມັນເອົາແຕ່ໃຊ້ເວລາຢູ່ຫນ້າຄອມ ບໍ່ຄ່ອຍມີເວລາແມ້ແຕ່ກິນອາຫານນຳກັນ. ເພິ່ນບໍ່ກິນເຂົ້າເຊົ້າ. ເຂົ້າສວາຍຜົວວກິນຢູ່ຫ້ອງການ. ເຂົ້າແລງ ເພິ່ນກິນພ້ອມລູກ.

img.laoupload.com | ບໍລິການ ອັບໂຫລດຮູບ ຝາກຮູບ ດາວໂຫລດຮູບ ເກັບຮູບ ສົ່ງຮູບ ຮັກສາຮູບ ຟຣີ!!!!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s