ບຸນປຶ້ມກິດຈະກຳສົ່ງເສີມການອ່ານຂອງເດັກ

Posted: March 17, 2010 in children care
 
ໃນສັງຄົມປັດຈຸບັນ ແມ່ນໄດ້ມີການຂະຫຍາຍຕົວຢ່າງໄວວາ ບໍ່ວ່າຄວາມທັນສະໄໝຂອງເຕັກໂນໂລຊີ ເຊິ່ງສະແດງໃຫ້ເຫັນເຖິງ ການຂະຫຍາຍຕົວ ທາງດ້ານສື່ຕ່າງໆ ເຊິ່ງມີຜົນດີ ໃນການສ້າງຄວາມບັນເທີງ ໃຫ້ກັບສັງຄົມ ແຕ່ໃນທາງກົງກັນຂ້າມ ຄວາມທັນສະໄໝທີ່ເກີດຂຶ້ນ ກັບປະເທດກຳລັງພັດທະນາ ອາດເຮັດໃຫ້ມີບາງສິ່ງ ທີ່ຄ່ອຍໆຖືກລືມໄປ ເຮັດໃຫ້ເດັກນ້ອຍ ຫຼື ຄົນລຸ້ນໃໝ່ ຫັນໄປສົນໃຈກັບສິ່ງທີ່ທັນສະໄໝ ສິ່ງທີ່ສ້າງຄວາມບັນເທີງ ຈົນລືມຮອດການອ່ານ ເຊິ່ງປະເທດທີ່ເຂົາເຈົ້າຈະເລີນແລ້ວ ຍິ່ງຖືເອົາການອ່ານ ເປັນບັນຫາສຳຄັນ. 

ຢູ່ ສປປ ລາວ ການອ່ານໃນ​ໝູ່ເດັກນ້ອຍ ແມ່ນມີໜ້ອຍ ເຊິ່ງອາດເປັນຍ້ອນສະພາບແວດລ້ອມ ເປັນຍ້ອນບໍ່ໄດ້ຮັບການສືບທອດ ຈາກຜູ້ປົກຄອງ ຫຼື ຄູ-ອາຈານ ແລະ ບັນຫາສຳຄັນກໍຄື ການອ່ານຍັງເຂົ້າບໍ່ເຖິງທຸກໆຊັ້ນຄົນ ດັ່ງນັ້ນ ໃນປັດຈຸບັນ ໄດ້ມີຫຼາຍອົງການ ທັງພາກລັດ-ເອກະຊົນ ແລະ ອົງການທີ່ບໍ່ຂຶ້ນກັບລັດຖະບານ ໄດ້ເຂົ້າມາພັດທະນາ ໃນຂົງເຂດການສຶກສາ ເຊິ່ງໃນນັ້ນ ກໍລວມມີການອ່ານ ຈົນເຮັດໃຫ້ເກີດມີຫຼາຍພາກສ່ວນ ເປັນຕົ້ນແມ່ນ ສະມາຄົມ ຫຼື ອົງການ ທີ່ຈັດກິດຈະກຳສຳລັບເດັກ ໄດ້ມີກິດຈະກຳສົ່ງເສີມການອ່ານ ໜຶ່ງໃນບັນດາກິດຈະກຳນັ້ນ ປະກອບມີບຸນປຶ້ມ. 

ປຶ້ມຖືວ່າເປັນແຫຼ່ງສົ່ງເສີມການອ່ານ ສຳລັບທຸກຊັ້ນຄົນ ທຸກເພດໄວ ໂດຍສະເພາະແລ້ວກັບເດັກ ການອ່ານສຳລັບເດັກນ້ອຍ ເປັນການບຸກເບີກ ຈິນຕະນາການ ການສ້າງປະສົບການ ທາງດ້ານຄວາມຮູ້ ແລະ ທັກສະທາງດ້ານພາສາ ໃຫ້ຫຼ່ຽນໄຫຼ ທັງພາສາເວົ້າ ແລະ ພາສາຂຽນ ເຊິ່ງການທີ່ຈະເຮັດໃຫ້ ນັກຮຽນສະຫງວນຮັກ ທາງດ້ານການອ່ານ ແລະ ມີທັດສະນະຄະຕິອັນດີງາມຕໍ່ປຶ້ມນັ້ນ ຕ້ອງອາໄສຫຼາຍຮູບການ ໂດຍສະເພາະແລ້ວ ແມ່ນໃຫ້ເດັກນ້ອຍມີໂອກາດ ໃນການສຳຜັດກັບປຶ້ມອ່ານ ທີ່ໃຫ້ຄວາມບັນເທີງ ແລະ ມີສາລະສະນັ້ນ ບຸນປຶ້ມ ຈຶ່ງໄດ້ຖືກຈັດຕັ້ງຂຶ້ນ ນັບແຕ່ປີ 2006 ເປັນຕົ້ນມາ ໂດຍການຮ່ວມມື ຂອງຫຼາຍພາກສ່ວນທີ່ກ່ຽວຂ້ອງ. 

ຄວາມພິເສດຂອງບຸນປຶ້ມນັ້ນ ແມ່ນເຮັດໃຫ້ຜູ້ທີ່ເຂົ້າຮ່ວມ ໄດ້ສຳຜັດເຖິງການຮຽນຮູ້ ໄປໃນຕົວຂອງເດັກນ້ອຍ ເຊິ່ງແມ້ກະທັ້ງພວກເຂົາເຈົ້າເອງ ກໍຍັງບໍ່ຮູ້ຕົວ ເຊິ່ງໃນງານບຸນແຕ່ລະປີ ອັນທີ່ຂາດບໍ່ໄດ້ນັ້ນ ແມ່ນບັນດາກິດຈະກຳທີ່ທາງ ສູນສະມາຄົມ ຫຼື ອົງການທີ່ເຮັດວຽກກ່ຽວກັບ ການພັດທະນາເດັກ ໂດຍມີການວາງສະແດງປຶ້ມຕ່າງໆ ການຂາຍປຶ້ມ ແລະ ຍັງມີກິດຈະກຳທີ່ໃຫ້ເຂົາເຈົ້າ ໄດ້ມີສ່ວນຮ່ວມນຳກໍຄື ການເລົ່ານິທານ ແຕ້ມຮູບ ສິລະປະ ແລະ ການແຂ່ງຂັນອື່ນໆ ສຳລັບບຸນປຶ້ມ ຄັ້ງທີ 6 ນີ້ ກິດຈະກຳອາດຈະຄ້າຍຄືເກົ່າ ແຕ່ສິ່ງທີ່ພິເສດໄປກ່ວານັ້ນ ແມ່ນຜູ້ເຂົ້າຮ່ວມ ໄດ້ສຳຜັດກ່ຽວກັບ ວຽກງານພັດທະນາເດັກ ຈາກສູນພັດທະນາການສຶກສາ ສຳລັບເດັກ ສູນວັດທະນະທຳເດັກ ນະຄອນຫຼວງວຽງຈັນ ແລະ ບໍລິຄຳໄຊ ນອກນັ້ນ ຍັງມີວົງສົນທະນາຂອງຄູ ຜູ້ທີ່ຮັບຜິດຊອບຫ້ອງສະໝຸດ ໃນໂຮງຮຽນ ວົງສົນທະນາສຳລັບຜູ້ປົກຄອງ ແລະ ເດັກ. 

ໂດຍ: ສ.ແສງງາມ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s